AMERICA NEWS: APORWA GARI, ALITAFUTA KWA NJIA YA FACEBOOK ALIPATA

*WAPORAJI WASHINDWA KULIENDESHA WALITELEKEZA

*BINTI YAKE ALITEKWA MWEZI MEI KWA GARI HILO HILO

Mwanamke aliyefahamika kwa jina la Melissa Torrez ameuacha umma midomo wazi baada ya kulipata gari lake lililopotea kwa kutumia akaunti ya Facebook.

UKISTAAJABU YA MUSA, UTAYAONA YA FIRAUNI …….

Melissa Torez mwezi Mei mwaka huu alikutwa na masahibu ya binti yake kutekwa na mtu mmoja aliyefahamika kwa jina la David Hernandez ambaye alikamatwa na kuhukumiwa kwa makosa ya utekaji.

Julai 23 mwaka huu akiwa Albuqueque jatika Jimbo la New Mexico nchini Marekani aliibiwa gari lake aina ya Chrysler 300.

Baada ya kupatikana kwa taarifa hizo mwanamke huyo alikaa kitako namna gani atakavyoweza kulipata gari lake hilo la thamani ndipo alipoamua kuchukua picha ya gari hilo na kulitupia katika Ukurusa wa FACEBOOK ambao ndugu, jamaa na marafiki walichangia katika habari hiyo “post” na ndipo Polisi walipoweza kulipata kirahisi kabisa siku iliyofuata.

Akizungumza na KOB Eyewitness News 4, Mellisa alisema wakati anaondoka katika eneo la kuegeshea magari usiku wa siku hiyo akiwa na rafiki zake walitokea wanaume 3 waliowashurutisha watoe pochi zao “vipima joto”, simu na funguo ya gari hilo ambalo walikuja nalo akiwa na marafiki zake.

Baada ya tukio hilo mmoja wa rafiki zake alimwambia kwamba mambo yatakwenda sawa kabisa bila wasiwasi ndipo alipomuuliza itawezekanaje kwenda sawasawa wakati shimo la kutolea risasi lilipoelekezwa kwao.

Torrez alitupia picha hiyo katika ukurasa wa FB na picha ya gari lake la Chrysler 300 ndipo mmoja wa rafiki zake aliyefahamika kwa jina la Enrique Venerio katika ukurasa wa FB alichukua na kuipeleka polisi huku kazi ikiendelea Torrez aliwaambia rafiki zake kupitia mtando huo wa kijamii kuhus mkasa huo.

Pia kwa majirani wenzake waliokuwa wakiishi kutoka Santa Fe hadi Grants katika Jimbo hilo hilo la New Mexico nchini Marekani.

Polisi ya eneo la Albuquerque walipata taarifa na picha ya gari lenyewe na msako wa kulipata gari hilo.

Venerio alikuwa miongoni mwa watu waliomsaidia mwanadada Melissa kulitafuta gari hilo usiku kucha bila mafanikio.

Baada ya uchunguzi wa Polisi siku iliyofuata waligundua kuwa waporaji wale walilitelekeza gari lile umbali si mrefu kutoka kwenye eneo la tukio kutokana na ukweli kwamba walishindwa kuliendesha.

Polisi imesema walilikuta gari hilo lakini waporaji hao ambao walifanya uhalifu huo wakiliacha lilikiwa pekee yake na funguo zake huku pesa, simu, vipima joto.

Itakumbukwa kwamba mwezi Mei binti yake alitekwa kwenye gari hilo hilo la Chrysler 300.

CHANZO: YAHOO NEWS/KOB Eyewitness News 4