AMERICA NEWS: MVULANA WA MIAKA 2 KUWA BEST MAN KATIKA NDOA KESHO JUMAMOSI

Wikiendi hii kutashuhudiwa mvulana mwenye Umri wa miaka 2 kuwa BEST MAN katika harusi ya wapendao wawili nchini Marekani.

UKISTAAJABU YA MUSA, UTAYAONA YA FIRAUNI…

 

Duru za Habari kutoka katika mjini wa Jeannette uliopo katika Jimbo la Pennsylvania nchini Marekani zinasema Wapendanao Sean Stevenson na Christine Swidorsky walitamani kufunga pingu za maisha mwaka 2014 lakini wameahirisha sasa watafanya siku ya Jumamosi(Agosti 3).

Hatua hiyo imewafika wapendanao hao baada ya kuambia na madakatari kuwa “baby boy” wao Logan wenye umri wa miaka 2 atafariki baada majuma mawili yaani siku 14 zijazo.

Kwa mujibu wa taarifa iliyotolewa na The San Luis Obispo Tribune imesema kuwa madaktari wamethibitisha kuwepo kwa ugonjwa wa kansa Luekemia kwa mtoto Logan.

Wakinukuriwa wapendanao hao wamesema wanamtaka Logan aonekane katika picha za familia yao, pia Logan aone ndoa kati ya baba na mama yake ikifungwa.

Habari hii kwa mara ya kwanza iliripotiwa na Pittsburgh Tribune Review kwamba katika siku ya ndoa hiyo mtoto mwenye umri wa miaka 13 ambaye Swindorsky alimpata alipokuwa katika uhusiano na mpenzi wake wa zamani atasimama kama Bridesmaid na binti mwingine mwenye umri wa mwaka mmoja mabaye amefahamika kwa jina moja tu la Savannah atakuwa “Flower Girl”.

Shirika la Habari la Marekani (AP) limesema Logan alipatwa na Fanconi Anaemia ambao mara chache sana kuweza kusababisha kansa, ambapo mwezi Machi mwaka huu alipoteza figo yake na sasa anakabiliwa na hali tete ya figo iliyobaki.

Juma lililopita madaktari waliwaambia wapendanao hao kuwa Logan atakuwa na majuma yasiyozidi matatu ya kuishi hapa duniani.

Baba wa Mtoto, Stevenson amesema itakuwa ni ngumu sana kutenda lakini akijuacho ni kwamba atamzika mtoto wake huyo kipenzi kutokana na ukweli kwamba hawezi kuzuia hali kama hiyo isitokee.

Mama wa Mtoto, Swindorsky amesema anaona bahati ya kuweza kumuaga mtoto wake na kwamba amejifunza mengi kutoka kwa mwanaye huyo aliyempenda sana lakini Mungu amempenda zaidi.

Watu 100 wanatarajiwa kuhudhuria harusi hiyo kesho (Agosti 3, 2013).

CHANZO: PITTSBURGH TRIBUNE REVIEW/THE SAN LUIS OBISPO TRIBUNE/AP/ YAHOO